24.1.11

ഒരു തുമ്പപ്പൂ കൊണ്ട്...

ഹൃദയമെങ്ങനെ പറിച്ചെടുത്തു
മരക്കൊമ്പില്‍ വെയ്ക്കും, മരിച്ചു പോകില്ലേ?
കഥയുടെ പകുതിയില്‍
കുഞ്ഞു കൌതുകം കണ്‍ വിടര്‍ത്തുന്നു.

ചതിയുടെ പുഴ നീന്തിക്കടന്ന
കുരങ്ങന്‍റെ കൌശലത്തില്‍
കൈകൊട്ടിയാര്‍ത്തുറങ്ങുമ്പോള്‍
ഉറക്കത്തിലും ഒരു കുഞ്ഞു ചിരിത്തുമ്പ
പൂത്തു നില്‍പ്പുണ്ട് ചുണ്ടരികില്‍..

കഥയില്ലാതെ പുഴ നീന്തി,
കരയില്ലാത്തോരിടത്ത്
കര പറ്റി നില്‍ക്കുമ്പോള്‍, കണ്ണേ,
ഏതു മരക്കൊമ്പിലും കെട്ടിവെക്കാവുന്ന
എത്രയോ ഹൃദയങ്ങളുണ്ട് ജന്മത്തിനെന്നു
നിന്നോട് പറയണമെന്നുണ്ട്.
ഹൃദയം പറിച്ചെടുക്കാനാവുമെന്നും
മരിച്ചു പോവില്ല, മരണത്തെക്കാള്‍
ആഴത്തില്‍, മുറിവില്‍, നിശബ്ദതയില്‍
ജീവിതപ്പെട്ടു പോകുമെന്നും
പറയണമെന്നുണ്ട്.

പക്ഷെ ഒരു തുമ്പച്ചിരിയില്‍ നിന്നും
വാരിയെടുത്ത നിലാവുമായി ഈ രാത്രി
വാക്കുകള്‍ക്ക് മീതെ തുളുമ്പിപ്പോകുന്നു!

42 comments:

പകല്‍കിനാവന്‍ | daYdreaMer said...

ഞാനും വാക്കുകള്‍ക്ക് മീതെ തുളുമ്പിപ്പോകുന്നു!

junaith said...

ഹൃദയം പറിച്ചെടുക്കാനാവുമെന്നും
മരിച്ചു പോവില്ല, മരണത്തെക്കാള്‍
ആഴത്തില്‍, മുറിവില്‍, നിശബ്ദതയില്‍
ജീവിതപ്പെട്ടു പോകുമെന്നും
പറയണമെന്നുണ്ട്.

അതെ വാക്കുകള്‍ക്കു മീതെ തുളുമ്പി പോകുന്നുണ്ട്...

MyDreams said...

മരണത്തെക്കാള്‍
ആഴത്തില്‍, മുറിവില്‍, നിശബ്ദതയില്‍
ജീവിതപ്പെട്ടു പോകുമെന്നും
പറയണമെന്നുണ്ട്.......

arun said...

ഒരു തുമ്പപ്പൂകൊണ്ട് ഹൃദയം പറിച്ചെടുക്കാമല്ലേ

Jasy kasiM said...

എതോ മുറിവുകളുടെ ആഴങ്ങളിലേക്ക്, നിശ്ശബ്ദതയിലേക്ക് വീണ്ടും വീണുപോകുന്നു..:(

SAJAN S said...

മരണത്തെക്കാള്‍
ആഴത്തില്‍, മുറിവില്‍, നിശബ്ദതയില്‍
ജീവിതപ്പെട്ടു പോകുമെന്നും
പറയണമെന്നുണ്ട്...............
...........................
............................
വാക്കുകള്‍ക്ക് മീതെ തുളുമ്പിപ്പോകുന്നു!
:)

Mahi said...

seri neeyenthaaningane sankatappetunnath മരണത്തെക്കാള്‍
ആഴത്തില്‍, മുറിവില്‍, നിശബ്ദതയില്‍

Manoraj said...

എനിക്കൊന്നും പറയാനില്ല. വരികള്‍ വല്ലാതിഷ്ടപ്പെട്ടു എന്ന് മാത്രം പറയുന്നു.

സാബിബാവ said...
This comment has been removed by the author.
സാബിബാവ said...

ഏതോ വേദനയുടെ നീര്‍ ചുഴികള്‍ വരികളായ് പൊഴിഞ്ഞു കിടക്കുന്നു. തുമ്പ പൂ പോലുള്ളൊരാ കവിതയുടെ ഹൃദയം ഞാന്‍ തൊട്ടറിഞ്ഞു
നല്ല വരികള്‍

Reema said...

പക്ഷെ ഒരു തുമ്പച്ചിരിയില്‍ നിന്നും
വാരിയെടുത്ത നിലാവുമായി ഈ രാത്രി
വാക്കുകള്‍ക്ക് മീതെ തുളുമ്പിപ്പോകുന്നു!

പറയാതെ വയ്യ..
ഈ വരികളില്‍ ഞാന്‍ കുടുങ്ങി കിടക്കുന്നു

Rare Rose said...

ഇഷ്ടപ്പെട്ടു..വല്ലാതെ..

ചന്ദ്രകാന്തം said...

തുളുമ്പി..

വാഴക്കോടന്‍ ‍// vazhakodan said...

വാക്കുകള്‍ക്ക് മീതെ തുളുമ്പിപ്പോകുന്നു! ശരിക്കും!

കലാം said...

"ഹൃദയം പറിച്ചെടുക്കാനാവുമെന്നും
മരിച്ചു പോവില്ല, മരണത്തെക്കാള്‍
ആഴത്തില്‍, മുറിവില്‍, നിശബ്ദതയില്‍
ജീവിതപ്പെട്ടു പോകുമെന്നും
പറയണമെന്നുണ്ട്.

പക്ഷെ ഒരു തുമ്പച്ചിരിയില്‍ നിന്നും
വാരിയെടുത്ത നിലാവുമായി ഈ രാത്രി
വാക്കുകള്‍ക്ക് മീതെ തുളുമ്പിപ്പോകുന്നു!"

വിസ്മയിപ്പിക്കുന്നു, വീണ്ടും.. വീണ്ടും..

Raghunath.O said...

ഒരു തുമ്പച്ചിരിയില്‍ നിന്നും
വാരിയെടുത്ത നിലാവുമായി ഈ രാത്രി
വാക്കുകള്‍ക്ക് മീതെ തുളുമ്പിപ്പോകുന്നു!

ചേക്കുട്ടി said...

ഹൃദ്യം...

Binu Anamangad said...

കഥയില്ലാതെ പുഴ നീന്തി,
കരയില്ലാത്തോരിടത്ത്
കര പറ്റി നില്‍ക്കുമ്പോള്‍, കണ്ണേ,
ഏതു മരക്കൊമ്പിലും കെട്ടിവെക്കാവുന്ന
എത്രയോ ഹൃദയങ്ങളുണ്ട് ജന്മത്തിനെന്നു
നിന്നോട് പറയണമെന്നുണ്ട്,
പക്ഷെ,.............

M.R.Anilan -എം. ആര്‍.അനിലന്‍ said...

ഏതു മരക്കൊമ്പിലും കെട്ടിവെക്കാവുന്ന
എത്രയോ ഹൃദയങ്ങളുണ്ട് ജന്മത്തിനെന്നു
നിന്നോട് പറയണമെന്നുണ്ട്.
ഹൃദയം പറിച്ചെടുക്കാനാവുമെന്നും
മരിച്ചു പോവില്ല,
മരണത്തെക്കാള്‍ ആഴത്തില്‍,
മുറിവില്‍,
നിശബ്ദതയില്‍
ജീവിതപ്പെട്ടു പോകുമെന്നും
-മോളേ നിനക്ക് ഉണ്ണിച്ചുണ്ടുകൾ കൊണ്ടുരുമ്മ!

ഹാരിസ് said...

വായിച്ചിരുന്നില്ല ഇത്.
ജീവിതപ്പെട്ടു പൊവുക എന്ന വാക്കു ഞാനെടുക്കുന്നു.

ഉമ്മുഫിദ said...

വരികള്‍ക്കിടയിലൂടെ തുളുമ്പി
വഴുതിപോകുന്നു....

എന്‍.ബി.സുരേഷ് said...

അമ്മ പറയാതെ വിട്ടുപോയ വാക്കേതാവാം എന്ന് വിട്ടുപോയ വാക്കുകൾ എന്ന കവിതയിൽ ദേശമംഗലം രാമകൃഷ്ണൻ എഴുതുന്നുണ്ട്.

അതെ അമ്മ ഉള്ളിൽ നീറിപ്പിടിക്കുന്ന ജീവിതവും വാക്കുകളും ആരുടെയോ സന്തൊഷങ്ങൾക്ക് വേണ്ടി വിഴുങ്ങുന്നുണ്ടല്ലോ ഓരോ നിമിഷവും.

Sreedevi said...

ഏതു മരക്കൊമ്പിലും കെട്ടിവെക്കാവുന്ന
എത്രയോ ഹൃദയങ്ങളുണ്ട് ജന്മത്തിനെന്നു
നിന്നോട് പറയണമെന്നുണ്ട്.
ഹൃദയം പറിച്ചെടുക്കാനാവുമെന്നും
മരിച്ചു പോവില്ല, മരണത്തെക്കാള്‍
ആഴത്തില്‍, മുറിവില്‍, നിശബ്ദതയില്‍
ജീവിതപ്പെട്ടു പോകുമെന്നും
പറയണമെന്നുണ്ട്

എത്ര മനോഹരം ഈ വരികള്‍ ..

Siji Vyloppilly said...

കുറേക്കാലത്തിനു ശേഷം സെറീനയുടെ കവിതകളോക്കെ വന്നു വായിച്ചു.എത്ര ഭംഗിയായാണ്‌ എഴുതുന്നത്‌. Bloggers maathramE ഇതു കണ്ടെത്തിയിട്ടുള്ളു? കേരളം മുഴുവന്‍ കാണട്ടെ. പുസ്തകം വേഗം ഇറക്കൂ( അതോ പുറത്തു വന്നോ) . ഓജസ്സുറ്റ കവിതകള്‍ എല്ലാവര്‍ക്കും വായിക്കാന്‍ അവസരം കൊടുക്കു.

Vinodkumar Thallasseri said...

മുമ്പൊരു പാകപ്പെടല്‍, ഇപ്പോഴൊരു ജീവിതപ്പെടല്‍. പുതിയ അനുഭവങ്ങള്‍ പുതിയ കവിതയെ കണ്ടെത്തുന്നത്‌ ഇങ്ങനെയൊക്കെയാണ്‌, അല്ലേ? . നല്ല കവിത.

nikukechery said...

ആദ്യമായാണ്‌ ഇവിടെ
കവിത നന്നായിരിക്കുന്നു

Mubi said...

"ഏതു മരക്കൊമ്പിലും കെട്ടിവെക്കാവുന്ന
എത്രയോ ഹൃദയങ്ങളുണ്ട് ജന്മത്തിനെന്നു
നിന്നോട് പറയണമെന്നുണ്ട്..."

നന്നായിരിക്കുന്നു. വീണ്ടും വരാം..

ചാത്തങ്കേരിലെ കുട്ടിച്ചാത്തന്‍. said...

കൊള്ളാം, നന്നായിട്ടുണ്ട്.

nanmandan said...

ഈ രചനക്ക് പ്രത്യേക അഭിനന്ദനങ്ങള്‍.

binu said...

valareyere ishtapetta ee blog il kurachu nalayi onnum ezhuthunnillallo ennu sankadam thonniyirunnu.

othiri santhosham. veendum blog il kavithakal idan thudangiyathil.

aashamsakal!

സജി കടവനാട് said...

വയ്യ... ആ ജീവിതപ്പെടലിനു ശേഷം, തീരെ...

ഉമാരാജീവ് said...

എത്രയോ ഹൃദയങ്ങളുണ്ട് ജന്മത്തിനെന്നു
നിന്നോട് പറയണമെന്നുണ്ട്.
ഹൃദയം പറിച്ചെടുക്കാനാവുമെന്നും
മരിച്ചു പോവില്ല, മരണത്തെക്കാള്‍
ആഴത്തില്‍, മുറിവില്‍, നിശബ്ദതയില്‍
ജീവിതപ്പെട്ടു പോകുമെന്നും
പറയണമെന്നുണ്ട്............കവിത

RK said...

:)

ലേഖാവിജയ് said...

ഹൃദയം പറിച്ചെടുക്കാനാവുമെന്നും
മരിച്ചു പോവില്ല, മരണത്തെക്കാള്‍
ആഴത്തില്‍, മുറിവില്‍, നിശബ്ദതയില്‍
ജീവിതപ്പെട്ടു പോകുമെന്നും
പറയണമെന്നുണ്ട്.
എനിക്കറിയില്ലായിരുന്നു ഇങ്ങനെ പറയാനാകുമെന്ന്..:(

‍ആല്‍ബിന്‍ said...

nice :)

ചന്ദ്രകാന്തന്‍.. ഒരു നിലാവിന്റെ നാട്ടുകാരന്‍.. said...

കവിത! ഞാനും തുളുമ്പിപ്പോയി.. ഇങ്ങനെ ജീവിതപ്പെട്ടുപോകുന്നതിന്റെ നീറ്റലിലും!

ISMAIL K said...

അകപ്പെട്ടു പോയതിനു ശേഷം ഇപ്പോള്‍ ജീവിതപ്പെട്ടു പോകുന്നു......ആഴത്തില്‍...

Rare Rose said...

എവിടെ? :((

Anuvad said...

i am Dr. santosh alex,malayalam poet and multilingual translator. I am translating young malayalam poets to hindi and malayalam. I have included you inthe list of poets to be translated. Kindly send me ur email ID or call me
9441019419.
Dr. Santosh Alex

Vp Ahmed said...

ഇഷ്ടായി ഈ വരികള്‍.

sm sadique said...

ഒരു വർഷത്തിന് ശേഷം ഞാൻ ഇവിടെ. ഈ കവിതയിൽ മനസ്സമർത്തി.“ഈയെഴുത്ത്” മാഗസിൻ എടുത്ത് മുന്നിൽ വെച്ച് അതിൽ എഴുതിയിരിക്കുന്നവരിലൂടെ ഒരു ഓട്ട പ്രതിക്ഷണം.“ഓർമയിലൊരു കണ്ണീർ ചുംബനം” എന്നൊന്ന് ഞാനും ആ മാഗസിനിൽ കുറിച്ചിട്ടുണ്ട്. ആശംസകൾ..........

ramla said...

ഹൃദയം പറിച്ചെടുക്കാനാവുമെന്നും
മരിച്ചു പോവില്ല, മരണത്തെക്കാള്‍
ആഴത്തില്‍, മുറിവില്‍, നിശബ്ദതയില്‍
ജീവിതപ്പെട്ടു പോകുമെന്നും
പറയണമെന്നുണ്ട്.